• E hënë – e premte, 7:30 – 13:30
Na ndiqni:
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.
Medreseja "Isa Beu" në Shkup është një ndër institucionet më të vjetra dhe më të rëndësishme arsimore-fetare në trevat tona. Që nga themelimi, ajo ka pasur mision edukimin e brezave të rinj në frymën e dijes, moralit dhe vlerave islame, duke i përgatitur ata për sfidat e jetës dhe shërbimin ndaj bashkësisë. Përmes një programi mësimor bashkëkohor, që ndërthur lëndët fetare me ato të përgjithshme, medreseja u ofron nxënësve një arsimim cilësor dhe një bazë të fortë për studimet e mëtejshme universitare. Stafi ynë i përkushtuar pedagogjik punon vazhdimisht për të krijuar një ambient mësimor frytdhënës, ku nxënësit zhvillohen jo vetëm në aspektin akademik, por edhe atë shpirtëror dhe njerëzor.

Reth Medreses

Shkollë e mesme islame

Rreth Medresesë

Shkolla e Mesme Islame "Medreseja Isa Beu" është shkollë e orientuar profesionale, e vetmja e këtij lloji në Republikën e Maqedonisë së Veriut. Shkolla qendrore ndodhet në fshatin Kondovë, komuna e Sarajit, në pjesën perëndimore të Shkupit, dhe vepron si për djem ashtu edhe për vajza, me paralele të shtrira në Shkup, Tetovë, Gostivar dhe Shtip.

Historiku

"Medreseja Isa Beu" vazhdon traditën e medresesë së dikurshme me të njëjtin emër, të themeluar në shekullin XV. Ajo mban emrin e themeluesit të saj, Isa Beut, i biri i Is'hak Beut, serhat muhafizit — mbrojtësit të njohur të Shkupit. Nga Vakëfnameja e Isa Beut mësojmë se përveç medresesë ai themeloi edhe bibliotekën dhe xhaminë që mbajnë edhe sot emrin e tij.

  • Shekulli XV

    Themelimi i medresesë me ardhjen e osmanëve në këto troje. Në të kaluarën ajo përfaqësoi institucionin më të lartë arsimor në vend dhe njihej si shkolla më me famë në Rumeli.

  • 1475

    Ndërtohet Xhamia e Isa Beut, një nga xhamitë më të bukura të Shkupit.

  • 1689

    Ndërprerja e parë e punës, kur gjenerali austriak Pikolomini me ushtrinë e tij dogji Shkupin. Gërmadhat e mureve u ruajtën deri në fillim të Luftës së Dytë Botërore.

  • 1932 – 1936

    Me iniciativën e prijësve fetarë dhe intelektualëve të kohës, medreseja rindërtohet. Në vitin 1936 krijohen kushtet për punë të rregullt, programi reformohet dhe shkolla fiton statusin e shkollës së mesme.

  • Pas Luftës së Dytë Botërore

    Puna ndërpritet përsëri për një kohë të gjatë.

  • 1979

    Bashkësia Islame merr vendimin për rindërtimin e medresesë.

  • 15 tetor 1984

    Në objektin e ri në fshatin Kondovë fillon procesi edukativo-arsimor, me vitin shkollor 1984/85.

Paralelet

Përveç shkollës qendrore në Kondovë, Medreseja vepron me katër paralele të shtrira — tri për vajza dhe një për djem — duke mbuluar të gjithë territorin e vendit.

QendërKondovë · djem ShkupVajza TetovëVajza GostivarVajza ShtipDjem

Medreseja në shifra

6.329nxënës të regjistruar që nga 1984
3.660të diplomuar
1.600+nxënëse të diplomuara
5paralele në vend

Të dhënat kumulative i referohen periudhës 1984 – 2025/26 dhe përfshijnë nxënësit e rregullt dhe ata me korrespondencë.

Infrastruktura

Kompleksi i shkollës qendrore përfshin një sipërfaqe prej rreth 7.000 m², me godinën shkollore, konviktin, kuzhinën me restorant dhe hapësirat sportive e rekreative.

Klasat dhe zyrat 8 klasa · Smart Board në çdo klasë Shiko Konvikti 51 dhoma · 204 shtretër Shiko Fushat e sportit Futboll · Basketboll · Fitnes Shiko Xhamia Kapacitet rreth 500 persona Shiko Salla e konferencave Amfiteatri · rreth 300 vende Shiko Biblioteka Mbi 500 tituj në 8 gjuhë Shiko Restoranti 3 shujta · deri në 250 nxënës Shiko Oborri dhe parku 3.800 m² · shteg ecjeje Shiko

Shkollimi është falas

Të gjitha shpenzimet i mbulon Bashkësia Fetare Islame e Republikës së Maqedonisë së Veriut. Për një nxënës, shpenzimet vjetore llogariten në rreth 3.480 euro.

© Medreseja Isa Beu